काठमाडौं । नेपालका आयुर ढकाल र दीक्षान्त लामिछानेले मलेसियामा आयोजित १२औँ स्पिड पावर तेक्वान्दो च्याम्पियनसिपमा स्वर्णपदक जितेका छन् । क्वालालम्पुरमा भएको च्याम्पियनसिपमा आयुर र दीक्षान्तको स्वर्णसहित नेपालले कुल सात पदक जित्यो ।

दुवै स्वर्ण नेपालले पुम्सेमा जितेको हो । आयुरले नौदेखि ११ र दीक्षान्तले १२ वर्षमुनि उमेर समूहमा स्वर्णपदक जितेका हुन् । आयुरले झापाको मेची तेक्वान्दो डोजाङ र दीक्षान्तले हात्तीवन तेक्वान्दो डोजाङबाट खेल्ने गर्छन् ।

नेपालले समान तीन रजत र कांस्यपदक पनि जित्यो ।