काठमाडौं । काठमाडौंको कमलपोखरीस्थित सानदार मःम पसलमा आगलागीमा परी घाइते भएका मध्ये दुईजनाको मृत्यु भएको छ । गए राति (माघ २८) उनीहरूको मृत्यु भएको जिल्ला प्रहरी परिसर काठमाडौंले जानकारी गराएको छ ।

कीर्तिपुर बर्न अस्पतालमा उपचारका क्रममा रविन राई र भीमबहादुर घलेको मृत्यु भएको परिसर काठमाडौंका प्रमुख एवं एसएसपी विश्व अधिकारीले बाह्रखरीलाई जानकारी दिए ।

• सानदार मःम पसलमा आगलागी : ११ ‘स्टाफ’ घाइते, दुईजनाको अवस्था गम्भीर

ग्यास चुहावटका कारण आगलागी हुँदा सोही मःम पसलका ११ कर्मचारी घाइते भएका थिए । तीमध्ये दुईजनाको मृत्यु भएको हो । अरू नौ घाइते सोही अस्पतालमा उपचाररत रहेका एसएसपी अधिकारीले बताए । यही माघ २४ गते बिहान उक्त मःम पसलमा आगलागी भएको थियो ।