काठमाडौं । भृकुटीमण्डपमा बिहीबारदेखि सूचना सञ्चार प्रविधि प्रदर्शनी ‘एचएमसी नेपाल हिक्सेमी क्यान इन्फोटेक २०२५’ जारी छ ।

क्यान इन्फोटेकको प्रदर्शनी स्थलमा विभिन्न प्रविधि कम्पनी तथा संघसंस्थाहरूले आफ्नो ब्रान्ड प्रवर्द्धनसँगै विशेष छुट र अफर घोषणा गरेका छन् ।

प्रदर्शनीमा इन्टरनेट सेवाप्रदायक, स्थानीय सफ्टवेयर, कम्प्युटर तथा एक्सेसरिज, आईटी ट्रेनिङ तथा इन्स्टिच्युट, स्टार्टअप तथा इनोभेसन, नेटवर्किङ प्रडक्टलगायत स्टल छन् ।

अफरमा शीर्ष प्रायोजक एचएमसी हिक्मेसीले वायरलेस क्यामेरामा २० प्रतिशत, हिक्सेमीका हरेक उत्पादनमा १५ प्रतिशत, मोनिटरमा २० प्रतिशत र यूपीएसमा १० प्रतिशत छुट दिइएको छ ।

सहशीर्ष प्रायोजक मर्कन्टाइल कम्युनिकेसन्सले एसर ब्रान्डका पछिल्ला ल्यापटप र डेस्कटपसँगै इप्सन ब्रान्डका प्रिन्टर र प्रोजेक्टरको विशेष प्रदर्शनी गरेको छ ।

त्यस्तै, गोल्ड स्पोन्सर गोल्ड स्पोन्सरमा नेबुला मोबिलिटीले चार्ज सकिँदा ब्याट्री नै फेर्न मिल्ने  गोगोरो स्कुटरमा काठमाडौं सहरभित्र १००० किलोमिटर निःशुल्क यात्रा गर्न सक्ने अफर दिएको छ ।

निःशुल्क टेस्ट ड्राइभका साथै लक्की ड्र अफर पनि छ ।

क्यान इन्फोटेकको इन्टरनेट पार्टनर वर्ल्डलिंक कम्युनिकेसन्सले आफ्ना ग्राहकलाई बोट एयरड्रप्स १८१ प्रो र बोट स्टोन ३५२ मार्बल सिरिजमा ५० प्रतिशत छुट दिएको छ ।

राइड हेलिङ प्लेटफर्म टुटलले क्यान इन्फोटेकमा आउने अवलोकनकर्ताका लागि बाइक र क्याब दुवैमा ६० प्रतिशत छुट प्रदान गरेको छ ।

एस पावर बीपीई प्राइभेट लिमिटेडले स्मार्ट बोर्डसहित यूपीएस, अटोमेटिक भोल्टेज रेगुलेटर, वाटरपम्पलगायतमा क्यान इन्फोटेक अवधिभर ४० प्रतिशतसम्म छुट घोषणा गरेको छ ।

क्यान इन्फोटेकमा स्वदेशी सफ्टवेयर कम्पनीले आफ्ना नयाँ उत्पादन सार्वजनिक गर्नुका साथै क्यान इन्फोटेक अवधिभर ३० प्रतिशतसम्म छुट घोषणा गरेका छन् ।

क्यान इन्फोटेकमा ‘कता हो’ नामक डिजिटल ठेगाना प्लेट प्रणालीमा प्रयोगकर्ताको आकर्षण देखिएको छ ।

यस प्लेटफर्मबाट केही मिनेटभित्रै नेपालका हरेक घरले आफ्नो घर ठेगाना प्लेट तयार गर्न सक्छ ।

इन्फोटेकमा कुल १५५ वटा स्टल छन् । इन्फोटेक सोमबारसम्म चल्ने महासचिव चन्द्रविलास भुर्तेलले बताएका छन् ।