काठमाडौं । स्रोत नखुलेको रकमसहित बाराको जीतपुरसिमरा उपमहानगरपालिका–१, पथलैया चोकबाट प्रहरीले तीनजनालाई पक्राउ गरेको छ । पक्राउ पर्नेमा भारतका ५० वर्षीय उजिर मियासहितका व्यक्तिहरू छन् ।

स्रोत नखुलेको १० लाख १७ हजार ५०० नेपाली रुपैयाँ र एक लाख ४७ हजार ५०० भारुसहित शनिबार (माघ २६) साँझ उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

चितवनको नारायणगढबाट पर्साको वीरगन्जतर्फ जाँदै गरेको ना५ख ६५४४ नम्बरको बसमा सवार उनीहरूलाई उक्त नगदसहित पक्राउ गरिएको प्रहरीले जनाएको छ ।