काठमाडौं । दिल्ली विधानसभा निर्वाचनमा भाजपाको जितपछि भारतीय प्रधानमन्त्री नरेन्द्र मोदीले आम आदमी पार्टी र कांग्रेसप्रति कटाक्ष गरेका छन् । राजनीति परिवर्तन गर्छु भन्दै यसमा होमिएकाहरू आफैँ कट्टर बेइमान साबित भएको उनले टिप्पणी गरे ।
“भ्रष्टाचार अन्त्यको मुद्दा लिएर जन्मेको पार्टी आफैँ भ्रष्ट साबित भयो । यो दिल्लीको भरोसामा धोका थियो,” मोदीले भने, “मदिरा घोटालाले दिल्लीलाई बदनाम गर्यो । त्यसमाथि अहंकार यति धेरै भयो कि जब विश्व कोरोनासँग लडिरहेको थियो, उनीहरू काँचको महल बनाउँदै थिए । तर, अब दिल्लीको जनादेश आयो ।”
उनले भ्रष्टाचारको छानबिन गर्ने प्रतिबद्धता पनि व्यक्त गरे ।
मोदीले भारतीय राष्ट्रिय कांग्रेसका बारेमा पनि बोले । उनले भने, “जनताले कांग्रेसलाई पनि कडा सन्देश दिएका छन् । दिल्ली चुनावमा कांग्रेसले शून्यको दोहोरो ह्याट्रिक गरेको छ । देशको पुरानो पार्टीले देशको राजधानीमा पछिल्लो ६ पटक खाता खोलेको छैन । उनीहरूले आफूलाई पराजयको स्वर्णपदक दिइरहेका छन् ।”
उनले अगाडि भने, “सत्य यो हो कि जनतालाई कांग्रेसमाथि भसोसा छैन । कांग्रेस आफैँ त डुब्छ नै, सहयोगीलाई पनि डुबाउँछ ।” बीबीसी हिन्दीबाट ।
-1742355287.jpg)
-1742355287.jpg)
-1743164527.jpg)
