काठमाडौं । प्रहरी प्रधान कार्यालयले ३७ प्रहरी उपरीक्षक (एसपी)को पदस्थापन गरेको छ । यही माघ २० गते गृह मन्त्रालय (सचिवस्तर)को निर्णयानुसार प्रहरी नायब उपरीक्षक (डीएसपी)बाट एसपीमा बढुवा भएका उनीहरूको सोमबार पदस्थापन गरिएको हो ।

बढुवा भएका एसपीहरूलाई प्रहरी महानिरीक्षक (आईजीपी) वसन्तबहादुर कुँवरले आइतबारै (माघ २०) दर्ज्यानी चिह्न लगाइदिएका थिए । यसअन्तर्गत एक नम्बरमा बढुवा भएका कुलदीप चन्दलाई जिल्ला प्रहरी परिसर काठमाडौंमा पदस्थापन गरिएको छ ।

दोस्रो नम्बरमा बढुवा भएका सुमित खड्कालाई प्रहरी प्रधान कार्यालयको विशेष ब्युरो, मनोहर भट्टलाई काठमाडौं उपत्यका अपराध अनुसन्धान कार्यालयमा पदस्थापन गरिएको छ ।

जिल्ला प्रहरी परिसर काठमाडौंमा यसअघिदेखि एसपी अपिल बोहरा कार्यरत छन् । चन्दलाई समेत त्यहाँ पदस्थापन गरिएसँगै परिसरमा दुई एसपी हुने भएका छन् ।

यस्तै, उपत्यका अपराध अनुसन्धान कार्यालयमा तीन एसपी रहने भएका छन् । यसअघिदेखि उक्त कार्यालयमा एसपी अंगुर जिसी र काजीकुमार आचार्य एसपी छन् । सोमबार त्यहाँ भट्टको पदस्थापन गरिएसँगै एसपीको संख्या तीन पुगेको छ ।

पदस्थापन सूची हेर्नोस्–