काठमाडौं । खाद्य प्रविधि तथा गुण नियन्त्रण विभागले भारतबाट भित्र्याइएको ठूलो मात्रामा राज्मा र चनाको दाल नाकामै रोक्का गरेको छ ।

विभागको नेपालगन्जस्थित प्रमाणीकरण कार्यालयले आइतबार २३ हजार २८० केजी राज्मा र ९ हजार ६०० केजी चनाको दाल रोकेको हो ।

ती दलहनमा किराले क्षति पुर्‍याएको दानाको मात्रा धेरै रहेको र तोकिएको मापदण्डअनुसारको नरहेको विभागले जनाएको छ । चना कशौधन ट्रेडर्स, नेपालगन्ज र राज्मा नेन्सी सप्लायर्स दाङले आयात गर्न लागेको थियो ।

खाद्य स्वच्छता तथा गुणस्तर ऐन, २०८१ को दफा १३ बमोजिम मापदण्ड नपुगेका खाद्यन्न पैठारी गर्ने व्यवसायीलाई कारबाही हुने विभागले जनाएको छ ।