काठमाडौं । नइ प्रकाशनले दसजना सर्जकलाई २०८० सालको ‘नइ पुरस्कार’ प्रदान गर्ने निर्णय गरेको छ । प्रकाशनका सदस्यसचिव नरेन्द्रराज प्रसाईद्वारा प्रेषित विज्ञप्तिअनुसार अध्यात्म दर्शन र सनातन धर्मसंस्कृतिको संरक्षण र संवर्द्धनका लागि प्राज्ञिक रूपमा सात दशकदेखि समर्पित प्रा.चेतोनाथ शर्मा आचार्यलाई ‘नइ चन्द्रधन पुरस्कार’ समर्पण गर्ने निर्णय भएको छ । 

संस्कृतिविज्ञ हरिराम जोशीलाई ‘नइ भूपालदुर्गा पुरस्कार’, नेपाली भाषासाहित्यको सेवामा समर्पित प्रा.गोपीकृष्ण शर्मालाई ‘नइ देरुनीख सुकीर्ति पुरस्कार’, प्रा.डा.मोहन लोहनीलाई ‘नइ कीर्तिनिधि पुरस्कार’, न्युरो सर्जन डा.वसन्त पन्तलाई ‘नइ भावि पुरस्कार’ र रेडियोकर्मी कमल प्रधान तथा ध्रुव थापालाई ‘नइ भाजप पुरस्कार’ संयुक्त रूपमा प्रदान गरिने विज्ञप्तिमा उल्लेख छ ।

साहित्यकार रञ्जुश्री पराजुलीलाई ‘नइ रेखा पुरस्कार’, शान्तिनारायण श्रेष्ठलाई ‘नइ धनरूप पुरस्कार’ र राधिका गुरागाईंलाई ‘नइ बुलु शर्मा पुरस्कार’ प्रदान गरिने निर्णय भएको विज्ञप्तिमा उल्लेख छ । 

यी सबै पुरस्कारका राशि जनही एक/एक लाख रुपैयाँ रहेको छ ।