काठमाडौं । चलचित्र ‘एक्टर’को ट्रेलर सार्वजनिक भएको छ । राजधानीमा आज एक कार्यक्रम गर्दै निर्माणपक्षले ट्रेलर सार्वजनिक गरिएको हो । 

ट्रेलरमा चलचित्रका मुख्य कलाकार प्रदीप खड्का, आना शर्मा, दिव्या रायमाझी, राजबल्लभ कोइरालालगायत फिचर्ड छन् । 

ट्रेलरले चलचित्रमा त्रिकोणात्मक प्रेमकथा रहेको देखाएको छ । महत्वकांक्षी प्रदीपको बाटोमा आउने तगारोको सेरोफेरोमा सिनेमा घुम्ने देखिन्छ । आफ्नो उचो छविलाई कसैले उछिनेको हेर्न नसक्ने पात्रले गर्ने षड्यन्त्र सिनेमाको मुख्य द्वन्द्व रहेको ट्रेलरले संकेत गरेको छ । 

ग्रे क्यारेक्टरमा राजबल्लभ रहेको ट्रेलरले देखाउने प्रयास गरेको छ । ट्रेलरमा निर्देशक तथा कलाकार निश्चल बस्नेतको इन्ट्री सस्पेन्स छ । 

माघ १६ गते रिलिज हुने चलचित्र ‘एक्टर’लाई राजन भुसालले निर्देशन गरेका छन् । स्क्रिप्ट आकाश बराल र राजन भुसालको छ ।

प्रदीप, आना र दिव्यासँगै यो चलचित्रमा राजबल्लभ कोइराला, दिव्य देव, उषा रजक, सुशील सिटौलालगायत कलाकारहरूको प्रमुख भूमिका रहेको छ ।

सिनेमा अदृत फिल्मस् र मोती फिल्मस्को संयुक्त प्रस्तुति हो । निर्माता थमन कुमार भण्डारी, सह–निर्माता अनीश भुसाल र क्रियटिभ प्रोड्युसर मोती कार्की हुन् ।

नरेन्द्र मैनालीले छायांकन गरेको यो चलचित्रलाई निमेष श्रेष्ठले सम्पादन गरेका छन् ।

हर्कुलस बस्नेत, रोहित शाक्य, र एलिस कार्कीले संगीत दिएका छन् । शिशिर खाती तथा किरण थापाले कोरियोग्राफी गरेका छन् । पोस्ट–प्रोडक्सन सुपरभाइजर साहिल खान रहेका छन् ।

द्वन्द्व निर्देशन अष्ट महर्जन र कला निर्देशन कृष्णमान तामाङले गरेका छन् ।