काठमाडौं । मोफसलमा जारी जय ट्रफी पुरुष इलाइट कप फाइनलको पहिलो दिन त्रिभुवन आर्मी क्लबविरुद्ध नेपाल पुलिस क्लबका ओपनर कुशल भुर्तेलले अर्धशतक बनाएका छन् ।
मंगलबारदेखि सुरु भएको फाइनलको पहिलो दिन टस हारेर ब्याटिङमा आएको पुलिसले स्टम्प हुनुअघिसम्म दुई विकेट गुमाएर ८५ रन बनाएको छ ।
पहिलो दिन पुलिसका ओपनर कुशलले ५० रन बनाएका छन् । अविजित रहेका कुशलले ५१ बलमा ६ चौका प्रहार गरेका छन् ।
यसबाहेक, पुलिसका अमित श्रेष्ठ २० रन बनाएर आउट भए । ओपनर दीलिप नाथ गोल्डेन डक हुँदा अर्जुन साउद शून्यमा अविजित छन् ।
०–१ को स्थितिबाट कुशल र अमितले ६५ रनको साझेदारी गर्दै पुलिसको इनिङ सम्हालेका थिए ।
आर्मीका सोमपाल कामी र साहब आलमले समान एक विकेट लिएका छन् ।
चार टोली सहभागी रहेको प्रतियोगितामा पुलिस शीर्ष र आर्मी दोस्रो स्थानमा रहँदै फाइनलमा आइपुगेका हुन् ।
प्रतियोगितामा सहभागी वाग्मती र मधेस प्रदेश भने क्रमशः तेस्रो र चौथो स्थानमा रहँदै बाहिरिएका थिए ।
-1716278128.jpg)
-1734691541.jpg)
-1718633678.jpg)
