site stats
बाह्रखरी :: Baahrakhari
कला
Global Ime bankGlobal Ime bank
‘द स्ट्रङ्गर’मा रातो र सेतो लुगाको अर्थ के हो ?

काठमाडौं । नाटक ‘द स्ट्रङ्गर’ आजबाट मञ्चन सुरु भएको छ । थिएटर भिलेज नेपालको प्रस्तुति रहेको नाटक आजबाट नियमित मञ्चन सुरु भएको हो । 

नाटक माघ १२ गतेसम्म हरेक साँझ ५ बजे मञ्चन हुनेछ । 

‘द स्ट्रङ्गर’ एक महत्वाकांक्षी र सीमाभन्दा पर गएर गरिएको शारीरिक नाट्यप्रस्तुति रहेको नाटक हो । नाटकले सत्ता, शक्ति, पहिचान र महिलामाथिका सामाजिक अपेक्षाहरूको अवधारणामाथि प्रश्न उठाउँछ । 

नाटकले ऐतिहासिक रूपमा महिलाहरूलाई प्रदान गरिएको अपेक्षित पारम्परिक भूमिकामाथि प्रश्न गर्दै समाजले परिभाषित गरेको सत्ता, शक्ति, सौन्दर्य र प्रभावमाथि आलोचनात्मक मत राखेको छ । 

नाटक दुई पात्रहरूको प्रतीकात्मकता वरिपरि बनाइएको छ, जसमा एकले रातो लुगामा शरीरको प्रतिनिधित्व गर्दछ भने अर्कोले सेतो लुगामा आत्माको प्रतिनिधित्व गर्छ । 

यी दुई पात्रहरूबीच उत्पन्न तनावलाई नै नाटकको केन्द्रीय द्वन्दको रूपमा प्रस्तुत गरिएको छ । यसमार्फत संसारलाई हेर्ने महिलाको दृष्टिकोणलाई उजागर गर्ने प्रयास गरेको छ । 

नाटक ‘द स्ट्रङ्गर’ एक स्विडिस नाटक हो, जसलाई अगस्ट स्ट्राइन्डबर्गले सन् १८८९ मा लेखेका हुन् । नाटक निर्देशन जेनी सुनुवारको छ ।

नाटकमा जेनी सुनुवार, सरगम राई, सन्जीव राई, बालाहाङ राईको अभिनय छ । 

प्रकाशित मिति: शुक्रबार, पुस २६, २०८१  १३:११
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro