काठमाडौं । नेपालका लागि टाटा मोटर्सको अधिकारिक वितरक सिप्रदी ट्रेडिङले पुस २६ देखि २८ गते सम्म ‘न्यू ह्विल्स, न्यू डिल्स’ कार्यक्रम आयोजना गर्ने भएको छ । यस अवधिमा टाटाको नेपालमा अत्यधिक रुचाइएको टियागो ईभी र पन्च ईभीको हरेक बुकिङमा आकर्षक डिल्सका साथै आकर्षक उपहार प्राप्त गर्न सकिने कम्पनीले जनाएको छ ।

यो एक्सचेन्ज क्याम्पमा जुनसुकै ब्रान्डका पुराना गाडीहरूसँग आकर्षक डिल्समा टियागो ईभी र पन्च ईभी साट्न सकिने छ ।

आकर्षक एक्सचेन्ज बोनसको साथै उक्त कार्यक्रममा गाडी खरिद गर्ने ग्राहकहरूले सिप्रदीको चार्जिङ नेटवर्कमा लाइफ टाइम निःशुल्क चार्जिङ, निःशुल्क इम्बोस्ड नम्बर प्लेट, एक वर्षको सवारी कर, एक्सेसरिज र हरेक बुकिङमा आकर्षक उपहार प्राप्त गर्न सक्नेछन् ।

‘न्यू ह्विल्स, न्यू डिल्स’ टाटा मोटर्सको देशभर रहेका शोरुममा आयोजना हुन लागेको कम्पनीको भनाइ छ । ग्राहकले टाटा मोटर्सको नयाँ तथा अत्याधुनिक डिजाइनका उत्पादन अवलोकन तथा टेस्ट ड्राइभ गर्न सक्नेछन् ।