काठमाडाैं । आइतबार बिहान काठमाडौंको अनामनगरमा कार दुर्घटनामा परेको छ । आइतबार बिहान बीएए८७१४ नम्बरको कार मदन भण्डारी कलेज नजिकैबाट धोबीखोलामा खसेको हो । 

बिहान ६ बजेतिर कार धोबीखोलामा खसेको  स्थानीयले बताएका छन् । कार खोलामा खसेर उत्तानो परे पनि चालक भने सकुशल रहेको र कुनै पनि मानवीय क्षति नभएको काठमाडौं प्रहरीले जनाएको छ । 

सडकमा गाडी चलाइरहँदा पुल भनेर झुक्किँदा खोलामा खस्न पुगेको चालकले बताएका छन् ।

सडकमा बार नहुँदा झुक्किएर बारम्बार यस्ता दुर्घटना हुने गरेको स्थानीयले बताएका छन् ।