काठमाडौं । अंग्रेजी नयाँ वर्षको अवसरमा प्रभु बैंकले विद्युतीय कारोबारलाई प्रवर्धन गर्न स्वचालित काउन्टर ‘प्रभु डिजिटल क्युब’ सञ्चालनमा ल्याएको छ । यो काउन्टरमार्फत ग्राहक आफैँले क्यास डिपोजिट, क्यास रिसाइकलिङ, चेक डिपोजिट, स्टेटमेन्ट प्रिन्टिङ गर्न सक्ने छन् ।

यस्तै, एटीएम र किओस्क मेसिनबाट नगद जम्मा गर्न, निकाल्न, क्लियरिङ चेक जम्मा गर्न र खाताको स्टेटमेन्ट प्रिन्ट गर्ने काम पनि ग्राहक आफैँ गर्न सक्ने छन् ।

यसले कार्यालयको काउन्टरमा लाइन लागेर बैंकिङ सेवा लिनुपर्ने झन्झट अन्त्य भएको बैंकले जनाएको छ । हाल यो सेवा बैंकको मुख्य कार्यालय बबरमहलबाट उपलब्ध भइरहेको छ ।

चाँडै आवश्यकता अनुसार थप स्थानमा पनि सेवा विस्तार गरिने बैंकले जनाएको छ ।