नयाँ दिल्ली । भारतको उत्तर प्रदेशमा बुधबार चार बालबालिका र आमासहित एकै परिवारका पाँच सदस्य एक होटलमा मृत फेला परेको स्थानीय प्रहरीले पुष्टि गरेको छ ।

घटना राज्यको राजधानी लखनउको हो । मृतक बालबालिका नाै तथा १६ वर्षका रहेका छन् ।

प्रहरीका अनुसार मृतक बालबालिकाका दाजुलाई पक्राउ गरिएको छ । घरायसी विवादका कारण उनले हातखुट्टा काटेर हत्या गरेको आरोप छ ।

परिवार लखनउबाट करिब ३५० किलोमिटर टाढा आगरा सहरबाट आएको तथा सोमबार होटलमा ‘चेक इन’ गरेको थियो ।रासस/सिन्ह्वा