काठमाडौं । चलचित्र ‘सोल्टिनी’को पोस्टर सार्वजनिक भएको छ । छायांकनमा जानुअगाडि चलचित्रको पोस्टर सार्वजनिक गरिएको हो । 

पोस्टरमा अभिनेता प्रकाश सपूत र अभिनेत्री परीक्षा लिम्बूलाई प्रेम र वियोगको भावमा प्रस्तुत गरिएको छ । सपूतले ‘भीमसेन पोखरेल’ र लिम्बूले ‘दिलासा राई’ को भूमिका निभाउनेछन् । 

अर्जुन सुवेदीले निर्देशन गर्ने चलचित्रले समाजमा व्याप्त जातीय भेदभावविरुद्ध आवाज उठाउनेछ । 

चलचित्रमा प्रकाश र परीक्षासँगै विल्सन विक्रम राई, सब्बु गुरुङ, रवीन्द्र झा, प्रकाश घिमिरे, प्रेम सुब्बा, कविता आले, सुन्दर धिताल, सुजन खतिवडालगायतको अभिनय रहनेछ । 

‘सोल्टिनी’ लाई २०८२ को असोज ३ गते रिलिज हुनेछ ।