site stats
बाह्रखरी :: Baahrakhari
देश
Global Ime bankGlobal Ime bank
हिउँदको दोस्रो वर्षा सोमबार र मंगलबार हुने सम्भावना
फाइल तस्बिर ।

काठमाडौं । यो वर्षको हिउँदको दोस्रो वर्षा आउँदो सोमबार र मंगलबार हुने सम्भावना छ । सोमबार रातिदेखि मंगलबारसम्म पश्चिम नेपालमा वर्षाको सम्भावना रहेको मौसमविद्ले जनाएका छन् ।

त्रिभुवन विश्वविद्यालयको जल तथा मौसम विज्ञान केन्द्रीय विभागका सहप्राध्यापक डा. विनोद पोखरेलले शनिबार सामाजिक सञ्जालमा लेखेका छन्, “दोस्रो हिउँदे वर्षा सोमबार रातिदेखि मंगलबारसम्म पश्चिम नेपालमा हुने देखिन्छ । यो वर्षा पनि हल्का हुने र मुख्यतया पहाडी र हिमाली भेगमा मात्र हुने सम्भावना छ ।”

उनका अनुसार, उक्त अवधिमा कर्णाली प्रदेशमा ‘राम्रो वर्षा’ हुने सम्भावना छ । सुदूरपश्चिम प्रदेशमा हल्का वर्षा हुने देखिएको छ । “अन्य प्रदेशमा भने छिटपुट वर्षा र बदली मात्र हुनेछ,” उनले लेखेका छन् ।

जलवायुविज्ञ डा. धर्मराज उप्रेतीले पनि उक्त अवधिमा वर्षाको सम्भावना औँल्याएका छन् । “१. आगामी पुस ८ गते रातिदेखि १० गतेसम्म सुदूरपश्चिम, कर्णाली र लुम्बिनी प्रदेशमा हल्का वर्षा र उच्च हिमाली भेगमा हिमपातको सम्भावना छ,” शनिबारै उनले सामाजिक सञ्जालमा लेखेका छन् ।

उनका अनुसार, पुस १२ साँझदेखि १५ गतेसम्म भने सुदूरपश्चिमबाट सुरु भएर देशभरि अर्को वर्षा र हिमपातको सम्भावना छ । “पश्चिम  नेपालका सुदूरपश्चिम, कर्णाली, लुम्बिनी हुँदै गण्डकी प्रदेशमा हल्कादेखि मध्यम वर्षाको सम्भावना देखिन्छ भने पूर्वी भागमा हल्का वर्षा र हिम्पातको सम्भावना,” उनले लेखेका छन् ।

वर्षापछि हालको वायु प्रदूषण केही घट्ने उनको भनाइ छ ।

गएको मंसिर २३ र २४ गते देशका केही स्थानमा यो वर्षको हिउँदको पहिलो वर्षा भएको थियो । त्यो पनि ठूलो वर्षा नभएर हल्का थियो ।

यो पनि पढ्नोस्–

विभागको आकलन– हिउँदमा सरदरभन्दा वर्षा कम, बढी तापक्रम

प्रकाशित मिति: शनिबार, पुस ६, २०८१  १७:३९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
खानेपानी त स्वच्छ होस् !
खानेपानी त स्वच्छ होस् !
Hamro patroHamro patro