काठमाडौं । व्यापारिक तथा औद्योगिक समूह रमेश कर्प र भारतको कजारिया सिरामिक्स लिमिटेडको संयुक्त लगानीमा नवलपरासीमा सञ्चालनमा आएको अत्याधुनिक उद्योगले ‘कजारिया’ ब्रान्डका टायलहरू नेपाली बजारमा ल्याएको छ । ‘कजारिया रमेश टायल्स लिमिटेड’ले नवलपरासीमा अन्तर्राष्ट्रियस्तरको अत्याधुनिक उद्योग स्थापना गरेर उत्पादन सुरु गरेको जनाएको छ ।

हाल कजारिया ब्रान्डका ६००×६०० एमएम, ६००×१२०० एमएम साइजमा ग्लेज भिट्रिफाइड टायल्स र ४००×४०० एमएमका हेभी ड्युटी भिट्रिफाइड टायल्स उत्पादन तथा बिक्रीवितरण गरिरहेको छ । कम्पनीले निकट भविष्यमा ३००×६०० एमएमर ३००×४५० एमएम सिरामिक्स टायल पनि छिट्टै नेपाली बजारमा उपलब्ध हुने कम्पनीले जनाएको छ ।

अहिले कम्पनीले देशभर १०० भन्दा बढी डिस्ट्रिब्युटर र डिलरबाट कजारिया टायल्स बिक्रीवितरण गरिरहेको छ । निकट भविष्यमा आफ्नो बजारलाई आक्रामकरूपमा विस्तारको रणनीति बनाएको छ । कजारिया टाइल्स नेपालमै उत्पादन भएपछि पनि यसको उच्च गुणस्तर कायमै रहेको कम्पनीको दाबी छ । साथै, कजारिया टाइल्सको भारतबाट आयात गरी बिक्रीवितरण गर्ने भन्दा नेपालमै उत्पादन हुन थालेपछि २० देखि २५ प्रतिशतले सस्तो भएको छ ।

कजारिया रमेश टायल्सका निर्देशक हिमांशु अग्रवालले नेपाली बजारबाट पाएको सकारात्मक प्रतिक्रियाबाट उत्साहित रहेको बताएका छन् ।

उनले भने, “हामी कजारिया टायल्सलाई नेपालमा प्रस्तुत गर्दा धेरै उत्साहित छौँ । नेपाली बजारले हाम्रो उत्पादसँग असाधारण माया र समर्थन दिएको छ । कजारिया टायल्सको माग दिन प्रतिदिन बढिरहेको छ र हामी हाम्रा ग्राहकको आवश्यकताअनुसार उत्कृष्ट उत्पादनहरू उपलब्ध गराउन प्रतिबद्ध छौँ । नेपालमा हाम्रा उत्पादनको बढ्दो मागले हामी विश्वस्त छौँ, नेपाली बजारमा कजारिया टायल्सको भविष्य उज्ज्वल छ ।”

कजारिया टायल्स नेपालमै उत्पादन हुन थालेपछि निर्माण व्यवसायमा नयाँ युगको सुरुवात गरेको छ, जसले गर्दा प्रिमियम गुणस्तरीय टायल्सहरू अझ सुलभ मुल्यमा सहज रूपमा उपलब्ध भइरहेका छन् । कजारिया टायल्सको सफलता नेपालको निर्माण उद्योगमा एक नयाँ बेन्चमार्क बनेको छ, जसले स्थानीय निर्माण व्यवसायीहरूको आवश्यकता र ग्राहकहरूको प्राथमिकतामा आधारित अन्तर्राष्ट्रिय उत्पादनहरू उपलब्ध गराइरहेको छ ।