काठमाडौं । चौधरी समूहको सीजी इलेक्ट्रोनिक्सले नेपालकै पहिलो क्यूएलईडी काराओके टेलिभिजन सार्वजनिक गरेको छ । ‘सीजी मेरिडिया ५५” काराओके क्यूएलईडी टेलिभिजन’ नाम दिइएको छ ।

नेपाली बजारमा पहिलोपटक क्युएलईडी पर्दा र भित्रैजडित काराओके प्रणाली एकैसाथ ल्याएको कम्पनीले जनाएको छ ।

‘लेभल अप’ अभियानअन्तर्गत विकसित यो प्रविधिशील टेलिभिजन अब केवल हेर्नेमात्र नभई गाउने, रमाउने र आफ्नै प्रतिभा देखाउने निजी मञ्च बन्ने कम्पनीले जनाएको छ ।

यस टेलिभिजनमा क्यूएलईडी र ४के यूएचडी पर्दा, क्वान्टम डट प्रविधिसहित जीवन्त र स्पष्ट दृश्य, अनन्त पर्दा डिजाइन, गहिरो उज्यालो–अँध्यारो रङसहितको एचडीआर१०प्लस समर्थन, भित्रैजडित काराओके प्रणाली, दुईवटा माइक्रोफोन जडान हुने, स्वरको प्रभाव र गीतहरूको पुस्तकालय, जुनसुकै उज्यालोमा पनि स्पष्ट दृश्य दिने चमक रोक्ने पर्दा, काराओके गीतमा थप शक्ति दिने अडियो ड्रम बास इन्जिन र चलचित्र ध्वनिपट्टीसहितको उच्च गुणस्तरीय ध्वनि प्रणाली रहेका छन् ।

कम्पनीले यस टेलिभिजनलाई केवल प्रविधि नभई नेपाली दर्शकका लागि नयाँ जीवनशैली अनुभवका रूपमा प्रस्तुत गरेको छ ।

“हामीले यस्तो उत्पादन ल्याएका छौँ, जसले परिवार र साथीभाइसँग रमाइलो गर्दै आफ्नै घरभित्रै गुप्त रकस्टार उजागर गर्न प्रेरित गर्छ,” सीजीले भनेको छ ।

सीजी मेरिडिया ५५” काराओके क्युएलईडी टेलिभिजन हाल सीजी डिजिटल प्रदर्शनी कक्षहरू र देशभरका छनोट गरिएका आधिकारिक विक्रेतामा उपलब्ध रहेको कम्पनीले जनाएको छ । सीजीले नेपाली बजारमा नवीनतम प्रविधि, गुणस्तरीय र उन्नत उत्पादन ल्याउँदै उपभोक्ताको जीवनस्तर उकास्न निरन्तर प्रयास गरिरहेको जनाएको छ ।