site stats
बाह्रखरी :: Baahrakhari
देश
Global Ime bankGlobal Ime bank
विमानस्थलमा लावालस्कर कटौती : गृहमन्त्री लेखकले चार महिनामा के गरे ?
रमेश लेखक । फाइल तस्बिर ।

काठमाडौं । दुई दिनअघि प्रधानमन्त्री केपी शर्मा ओली चीन भ्रमणका लागि त्रिभुवन विमानस्थल पुग्दा अतिविशिष्ट कक्ष खासै भरिभराउ थिएन, जुन पहिले हुने गर्थ्यो । अघिल्ला प्रधानमन्त्री र ओली स्वयम् यसअघि प्रधानमन्त्रीका रूपमा विदेश भ्रमणमा जाँदा अतिविशिष्ट कक्ष खचाखच देखिन्थ्यो ।

गृह मन्त्रालयले अतिविशिष्ट व्यक्ति (भीभीआईपी) तथा विशिष्ट (भीआईपी)को बिदाइ र स्वागतमा उपस्थित हुनुपर्ने पदाधिकारीको संख्या कटौती गरेसँगै त्यसको नतिजा विमानस्थलमा देखिएको छ । यसअघि प्रधानमन्त्री विदेश भ्रमणमा जाँदा र फर्कंदा विमानस्थलमा बिदाइ र स्वागतका लागि कार्यवाहक प्रधानमन्त्रीदेखि प्रमुख जिल्ला अधिकारीसम्म २१ पदाधिकारी अतिविशिष्ट कक्षमा उपस्थित हुनुपर्ने व्यवस्था थियो ।

सोही व्यवस्था संशोधन गरेर संख्या कटौती गरिएको हो । अब प्रधानमन्त्रीको बिदाइ र स्वागतका लागि कार्यवाहक प्रधानमन्त्रीसहित १२ पदाधिकारी मात्र उपस्थित हुने व्यवस्था गरिएको गृह मन्त्रालयका सूचना अधिकारी दिलकुमार तामाङले जानकारी दिए ।

Dabur Nepal
NIC Asia

गृहमन्त्री रमेश लेखकको पहलमा भीभीआईपी र भीआईपीको सुरक्षा व्यवस्थापन कार्यविधि संशोधन गरेर संख्या कटौती गरिएको मन्त्रालयले जनाएको छ । गृहको संशोधन प्रस्तावानुसार मन्त्रिपरिषद्ले सुरक्षा व्यवस्थापन कार्यविधि, २०८० पहिलो संशोधन गरेको हो । सोही संशोधित कार्यविधि प्रधानमन्त्री ओली विदेश भ्रमणमा जाँदादेखि लागु गरियो ।

अब राष्ट्रपति, उपराष्ट्रपति विदेश जाँदा समेत बिदाइ र स्वागतका लागि विमानस्थल पुग्नुपर्ने पदाधिकारीको संख्या कटौती गरिएको छ । राष्ट्रपति विदेश भ्रमणमा जाँदा वा फर्कंदा उपराष्ट्रपति, प्रधानमन्त्री, गृहमन्त्रीसहित १४ पदाधिकारी मात्र विमानस्थल पुग्नुपर्ने व्यवस्था गरिएको छ । राष्ट्रपति विदेश भ्रमणमा जाँदा वा फर्कंदा यसअघि उपराष्ट्रपतिसहित २३ पदाधिकारी विमानस्थलमा उपस्थित हुनुपर्ने व्यवस्था थियो ।

नयाँ कार्यविधिअनुसार, उपराष्ट्रपति विदेश भ्रमणमा जाँदा र फर्कंदा प्रधानमन्त्रीसहित सातजना मात्र उपस्थित हुनुपर्नेछ । त्यस्तो अवस्थामा यसअघि प्रधानमन्त्रीसहित विमानस्थलमा १२ पदाधिकारी उपस्थित हुनुपर्ने थियो ।

भीआईपीको सवारीमा लावालस्करले ट्राफिक जामका कारण नागरिकले दुःख पाएको भन्दै आलोचना हुँदै आएको छ । भीआईपीको बिदाइ र स्वागतमा सहभागी पदाधिकारीको संख्या कटौतीलाई गृह मन्त्रालयको सकारात्मक कदम मानिएको छ ।

त्यसो त गृहमन्त्रीका रूपमा लेखकले कार्यभार सम्हालेयता भाषणभन्दा कामलाई प्राथमिकता दिएको देखिन्छ । गएको असार ३१ मा गृहमन्त्रीको शपथ लिएका लेखकले चार महिनाको अवधिमा सुरक्षा संगठनलाई मजबुत बनाउने गरी केही नीतिगत काम गरेका छन् । नेपाल प्रहरी र सशस्त्र प्रहरी बलको विद्यमान ३० वर्षे सेवा अवधिलाई हटाउने गृहकार्यमा उनी सक्रिय छन् । त्यसका लागि दुवै प्रहरी संगठनका अधिकारीसँग लेखकले पटक–पटक छलफल समेत गरेका छन् ।

हाल प्रहरीमा ३० वर्षे सेवाहदका कारण अस्वस्थ प्रतिस्पर्धा हुने गरेको भन्दै उनले प्रहरी ऐनलाई समयसापेक्ष परिमार्जन गरी संगठनलाई सुदृढ बनाउने बताउँदै आएका छन् ।

यो अवधिमा पूर्वगृहमन्त्री तथा राष्ट्रिय स्वतन्त्र पार्टी (रास्वपा)का सभापति रवि लामिछाने पनि सहकारी संस्थाको रकम हिनामिना प्रकरणमा पक्राउ परेर थुनामा छन् । उनको गिरफ्तारीलाई रास्वपा नेता–कार्यकर्ताले प्रतिशोध भन्दै प्रदर्शन गर्दै आएका छन् । लामिछाने अदालतको आदेशमा पक्राउ परेका हुन् । र, अदालतकै आदेशमा म्याद थपिँदै छ ।

मानव तस्करीका आरोपित कोसी प्रदेशका पूर्वमन्त्री लीलाबल्लभ अधिकारी लेखककै चार महिनाको कार्यकालमा पक्राउ परे । तर, जिल्ला सरकारी वकिल कार्यालयले मुद्दा नचल्ने निर्णय गरेपछि उनी थुनामुक्त भइसकेका छन् । अधिकारीबाहेक गण्डकी प्रदेशसभा सदस्य तथा त्यहाँका पूर्वमन्त्री राजीव गुरुङ उर्फ दीपक मनाङे पक्राउ परी जेल चलान भएका छन् ।

पछिल्लो समय देशभर सवारी दुर्घटना बढेको भन्दै गृहमन्त्री लेखकले यात्रुवाहक सवारीसाधनमा क्षमताभन्दा बढी यात्रु र मालसमान बोक्न नदिन निर्देशन दिएका छन् । उनले मालवाहक सवारीसाधनमा यात्रु बोक्न नदिन पनि प्रहरी प्रमुख (आईजीपी) वसन्तबहादुर कुँवरलाई निर्देशन दिएका छन् ।

यस्तै, पछिल्लो समय चुनौतीका रूपमा देखिएको लागुऔषध र आत्महत्या न्यूनीकरणका लागि गृह गम्भीर रूपमा लागेको मन्त्रालयले जनाएको छ ।

सामाजिक सञ्जालको दुरुपयोग नियन्त्रणका निम्ति पनि विशेष योजना अघि बढाइएको गृहको भनाइ छ । सामाजिक सञ्जालमार्फत आलोचना र टिप्पणी गर्न पाउनु स्वाभाविक भए पनि गालीगलौज र चरित्रहत्या गर्दा कसैले छुट नपाउने मन्त्री लेखकले बताउँदै आएका छन् । मेडिकल व्यवसायी दुर्गा प्रसाईंको पक्राउलाई त्यसको उदाहरणका रूपमा लिन सकिन्छ । साइबर अपराधमा पक्राउ परेका प्रसाईं हाल प्रहरीको थुनामा छन् ।

NIBLNIBL
प्रकाशित मिति: बुधबार, मंसिर १९, २०८१  १६:०७
worldlinkworldlink
प्रतिक्रिया दिनुहोस्
NTCNTC
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Everest BankEverest Bank
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
SubisuSubisu
Hamro patroHamro patro