काठमाडौं । नेपालका निम्ति दिपल, सेरेस र नामी ईभी ब्रान्डको आधिकारिक बिक्रेता एमएडब्ल्यू वृद्धिले भैरहवा र बुटवललाई लक्षित गर्दै एक्सचेन्ज तथा टेस्ट ड्राइभ क्याम्प गर्ने भएको छ । एमएडब्ल्यू वृद्धिले बुटवलको कालिकानगरस्थित क्लब डेनोभोमा यही कात्तिक २७ गतेदेखि तीनदिने एक्सचेन्ज एन्ड टेस्ट ड्राइभ क्याम्प आयोजना गर्ने जनाएको छ ।

यो एक्सचेन्ज मेलामा ईभी किन्न चाहने लुम्बिनी प्रदेशका ग्राहकले दिपलको गाडी बजेटभन्दा अघिकै मूल्य अर्थात् ७१ लाख ९९ हजार रुपैयाँमा, सेरेसको गाडी नाडा अफर अर्थात् ४५ लाख ४९ हजार र नामी ईभी किन्दा सात किलोवाटको चार्जर फ्री पाउने कम्पनीले जनाएको छ ।

कम्पनीले यो क्षेत्रकै सबैभन्दा ठूलो दाबी गरेको एक्सचेन्ज मेलामा टप थ्री रिकन्डिसन हाउसबाट ‘एक्सचेन्ज भ्यालु’ र एमएडब्ल्यू वृद्धिबाट विभिन्न ‘एक्सचेन्ज बोनस’ पाइने जनाइएको छ । यसबाहेक ग्राहकले हरेक टेस्ट ड्राइभ र आफ्नो पुरानो गाडीको मूल्यांकनमा आकर्षक उपहार पाउने कम्पनीको भनाइ छ ।

मेलामा ‘अनस्पट डेलिभरी’ र दिपल, सेरेस र नामी गाडी ८.४९ प्रतिशतको निश्चित ब्याजदरमा ‘अनस्पट फाइनान्सिङ’ गर्न सकिने कम्पनीले जनाएको छ ।

एक्सचेन्ज क्याम्पमा आएर फ्युचरिस्टिक डिजाइन र फिचरले भरिएका दिपल, नामी र सेरेसको टेस्ट ड्राइभ गर्नेले ‘फुडस्टल’ र ‘लाइभ म्युजिक’को अनुभव लिन सक्ने कम्पनीले जनाएको छ ।

एमएडब्ल्यू वृद्धिले एक्सचेन्ज एन्ड टेस्ट ड्राइभ क्याम्पअघि दिपल र नामीको क्षेत्रीय लन्च पनि गर्ने जनाएको छ ।