काठमाडौं । इजरायलका प्रधानमन्त्री बेन्जामिन नेतान्याहुले अमेरिकी राष्ट्रपति चुनावमा भएको मतगणनाबीचमा डोनाल्ड ट्रम्पलाई विजयी भएको भन्दै बधाई दिएका छन् ।

नेतान्याहुले इन्स्टाग्राममा लेखेका छन्, “इतिहासमा सबैभन्दा ठूलो पुनरागमनको लागि बधाई ।”

“ह्वाइट हाउसमा तपाईंको ऐतिहासिक फिर्ती अमेरिकाको लागि नयाँ सुरुवात हो । यसले इजरायल र अमेरिकाबीच रहँदै आएको मजबुत गठबन्धनप्रतिको प्रतिबद्धता दोहोर्‍याउँछ । यो ठूलो विजय हो । तपाईंका सच्चा साथीहरू– बेन्जामिन र सारा नेतान्याहु,” उनले भनेका छन् ।

फ्लोरिडामा आफ्ना समर्थकहरूलाई सम्बोधन गर्दै डोनाल्ड ट्रम्पले आफ्नो जितको घोषणा गरिसकेका छन् । तर, उनको जितको औपचारिक घोषणा भने भइसकेको छैन ।