site stats
बाह्रखरी :: Baahrakhari
कला
Global Ime bankGlobal Ime bank
दीपक भन्छन्– ‘छक्का पञ्जा–५’ले दुई करोडभन्दा माथि ओपनिङ गर्‍यो 

काठमाडौं । चलचित्र ‘छक्का पञ्जा–५’ले सिरिजकै उच्च ओपनिङ गरेको छ । दसैँको फूलपातीको अवसर पारेर हिजोबाट रिलिज भएको चलचित्रले पहिलो दिन ‘छक्का पञ्जा’का अघिल्ला चार सिरिजको भन्दा धेरै ग्रसकलेक्सन गरेको हो । 

‘छक्का पञ्जा–५’का कलाकार तथा निर्माता दीपकराज गिरीले ‘छक्का पञ्जा–३’को ओपनिङको रेकर्ड तोडेको बताए । ‘छक्का पञ्जा–३’ले पहिलो दिन एक करोड ७० लाख ग्रसकलेक्सन गरेको थियो । 

“ठ्याक्कै अंक चाहिँ हामीलाई वितरक मनोज राठीले भन्नु भएको छैन । तर छक्का पञ्जाका सबै सिरिजको रेकर्ड तोड्यो भन्नु भएको छ,” दीपकले बाह्रखरीसँग भने, “उहाँले दुई करोड रुपैयाँ क्रस गरेको बताउनु भएको छ । केही समयमा तथ्यांक पनि आउला ।” 

“सोलो रिलिजको अवसर पाएको भए यो सिनेमा इतिहासकै ठूलो सिनेमा हुने रहेछ,” दीपकले भने । 

यो चलचित्र नचलेको भए गलत सन्देश जाने उनको भनाइ छ । “यो चलचित्र नचलेको भए गलत सन्देश जाने थियो । सामाजिक सञ्जालले सिनेमा चल्ने नचल्ने निर्धारण गर्छ भन्ने गलत म्यासेज जाने थियो,” उनले भने, “तर छक्का पञ्जा–५ चलेर गलत म्यासेज जान दिएन ।”

‘छक्का पञ्जा–५’लाई दीपाश्री निरौलाले निर्देशन गरेकी छन् । चलचित्रमा दीपकसँगै केदार घिमिरे र वर्षा शिवाकोटी मुख्य भूमिकामा छन् । 

प्रकाशित मिति: शुक्रबार, असोज २५, २०८१  ०९:०६
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro