काठमाडौं । चलचित्र ‘एक्टरः टेक वन’को गीत ‘दिन बित्ला’ सार्वजनिक भएको छ । रोमान्टिक भावको गीतमा सनिश श्रेष्ठ र प्रीति कौरको आवाज छ । शब्द राजेशकुमार श्रेष्ठको छ । संगीत एलिश कार्कीले दिएका छन् । 

गीतले प्रेममा रहेका दुई व्यक्ति र सम्बन्धलाई समयले पार्ने प्रभावलाई देखाएको छ । गीतको भिडियोमा प्रदीप खड्का र नव–अभिनेत्री दिव्या रायमाझी छन् । 

चलचित्रलाई राजन भुसालले निर्देशन गरेका छन् । स्क्रिप्ट आकाश बराल र राजन भुसालको छ । 

चलचित्रमा प्रदीप र दिब्यासँगै आना शर्मा, राजबल्लभ कोइराला, दिव्य देव, उषा रजक,  सुशील सिटौलालगायत कलाकारको प्रमुख भूमिका छ । 

चलचित्रमा निर्माता थमन कुमार भण्डारी, सह–निर्माता अनीश भुसाल र क्रियटिभ प्रोड्युसर मोती कार्की हुन् ।