काठमाडौं । चलचित्र ‘अग्निदहन’को टिजर सार्वजनिक भएको छ । मसिर ७ गते रिलिज हुने चलचित्रको टिजर सार्वजनिक भएको हो । 

साहित्यकार तथा पत्रकार लोकमणि पौडेलको उपन्यास ‘अग्निदहन’मा आधारित रहेर तयार पारिएको चलचित्रको टिजरमा महिलालाई बोक्सीको आरोप लगाएपछि बोक्सी भगाउन भन्दै धामी झाँक्रीबाट दिइने यातना समावेश छ । 

चलचित्रका निर्देशक घनश्याम लामिछाने हुन् । मान्छे कोही पनि बोक्सी हुँदैन भन्ने सोचलाई देशव्यापी रूपमा अभियानको रुपमा अगाडि बढाउन फिल्म निर्माण गरिएको उनले बताएका छन् । 

चलचित्रमा प्रकाश घिमिरे, प्रमिला तुलाचन, माओत्से गुरुङ, अनुपमा भण्डारी, तुलसी क्षेत्री, विष्णु बास्तोला, तारा बहादुर गुरुङको अभिनय छ ।