काठमाडौं । इजरायलले आइतबार मध्य गाजापट्टीमा रहेको मस्जिद र एउटा विद्यालयमा गरेको आक्रमणमा २४ प्यालेस्टाइनीको मृत्यु भएको छ । ९३ जना घाइते भएका  अन्तर्राष्ट्रिय सञ्चारमाध्यमहरूले जनाएका छन् । 

इजरायली सेनाले अल–अक्सा सहिद अस्पताल र इब्न रुस्द स्कुलको छेउमा रहेको अल–अक्सा सहिद मस्जिदमा बमबारी गरेको छ । मस्जिद र स्कुलका सयौं व्यक्ति विस्थापित भएका छन् । 

इजरायल डिफेन्स फोर्स (आईडीएफ)ले आइतबार इजरायली वायुसेनाले इब्न रुस्द स्कुलको कम्पाउन्डभित्र रहेको कमान्ड–एन्ड–कन्ट्रोल सेन्टरभित्र सञ्चालित हमास लडाकुहरूमाथि हमला गरेको बताएको छ । 

गाजापट्टीमा जारी इजरायली आक्रमणबाट प्यालेस्टाइनीको मृत्यु हुने संख्या ४१ हजार ८२५ पुगेको छ ।