काठमाडौं । चितवनको भरतपुर महानगरपालिका–१० स्थित कलेज अफ मेडिकल साइन्स र प्रभु बैंक लिमिटेडबीच छुट सम्झौता भएको छ । प्रभु बैंकका तर्फबाट चितवनस्थित कार्यालयका प्रमुख सांग्रीला श्रेष्ठ र कलेज अफ मेडिकल साइन्सका तर्फबाट एडिसनल डाइरेक्टर डा. मनोहर प्रधानले समझौतापत्रमा हस्ताक्षर गरेका हुन् ।

सम्झौताअनुसार, प्रभु बैंकका ग्राहक तथा कर्मचारीले कलेज अफ मेडिकल साइन्सबाट सेवा लिँदा छुट पाउनेछन् । सीओएमएसमा उपचार गर्दा औषधि, सीटीस्क्यान र एमआरआईबाहेक सम्पूर्ण सेवाका साथै एक्सरे र यूएसजीमा समेत २० प्रतिशतसम्म छुट पाउने जनाइएको छ ।

प्रभु बैँकका ग्राहक तथा कर्मचारीले कलेज अफ मेडिकल साइन्समा उक्त सुविधा प्राप्त गर्नका निम्ति बैंकको डेबिट कार्ड, क्रेडिट कार्ड तथा बैंकका अरू कुनै विद्युतीय प्रणालीद्वारा बिल भुक्तानी गर्नुपर्ने हुन्छ । यो सुविधा प्राप्त गर्न प्रभु बैंकका ग्राहक तथा कर्मचारीले परिचयपत्र तथा परिवारको सदस्यका निम्ति नाता खुल्ने कागजात अनिवार्य पेस गर्नुपर्ने जनाइएको छ ।

प्रभु बैंकले ३१५ शाखा कार्यालय, २८६ एटीएमका साथै ६९ भन्दा बढी एक्सटेन्सन काउन्टरमार्फत सेवा दिँदै आएको छ ।