काठमाडौं । फ्राइडे रिलिजमा आज दुई नेपाली चलचित्र प्रदर्शनमा आएका छन् । ‘सानो संसार’ र ‘आँखा’ आजबाट प्रदर्शनमा भएका हुन् ।

‘सानो संसार’लाई सिद्धार्थ पुडासैनीले निर्देशन गरेका हुन् । ‘आँखा’लाई जौन योन्जनले निर्देशन गरेका छन् । 

‘सानो संसार’ पारिवारिक कथावस्तुमा निर्माण भएको चलचित्र हो । ‘आँखा’ सुकुम्बासी बस्तीको कथा समेटेर बनाएको चलचित्र हो । 

‘सानो संसार’ पारिवारिक कथावस्तुमा निर्माण भएको चलचित्र हो । यसमा हास्य कलाकार केदार घिमिरे ‘माग्नेबुढा’की श्रीमती सीतादेवी तिमल्सेना, राज पंगेनी शर्मा, अनु दाहाल, अन्जसा रिजाल शिशिर सिवाकोटी, सरिता भण्डारी र जीवन गौतमको अभिनय छ । 

राजधानी मिडिया एड प्रोडक्सन र प्रिन्सेस मूभिजको व्यानरमा सिनेमा निर्माण भएको चलचित्रका निर्माता अर्जुन कुमार हुन् । कार्यकारी निर्माता माधव वाग्ले हुन् । 

सिद्धार्थ पुडासैनीले यो चलचित्रबाट लेखन तथा निर्देशनमा डेव्यु गरेका छन् । उनलाई सिनेमाको कथा लेखनमा सरिष्मा खत्रीले सघाएकी छन् ।

‘आँखा’मा जौन योन्जनको लेखन तथा निर्देशन छ । सिनेमाको मुख्य भूमिकामा स्मिता लामिछाने र आरके मेहता छन् ।

आरके र स्मितासँगै निशा अधिकारी, सरोज खनाल, पशुपति राई, प्रवीण खतिवडा, विजय बराल, बुद्धि तामाङ, कृष्णभक्त महर्जन, राजन खतिवडा, लुनिभा तुलाधर, रविन्द्र झा, अभयराज बराल र बाल कलाकार प्रसन राई पनि मुख्य भूमिकामा छन् । यसले प्रिमियरमा औसत प्रतिक्रिया पाएको छ ।

ढाका टोपी फिल्मस्, कार्यक्रम नेपाल, साइलेन्ट एक्ट र ट्राइडेन्ट कन्सेप्टको सहकार्यमा तयार भएको सिनेमामा नारायणप्रसाद बराल कार्यकारी निर्माता, रेनुका कार्की ढोली सहनिर्माता तथा राम बस्नेत लाइन प्रोड्युसरमा छन् ।