विराटनगर । विराटनगरको एक इलेक्ट्रिक साइकल र सफारी सोरुममा आगलागी भएको छ । विराटनगर  महानगरपालिका–२ स्थित मुनालपथमा रहेको सोरुममा अपराह्न भीषण आगलागी भएको हो ।

प्रहरीका अनुसार स्थानीय भन्या इन्टरनेसनलमा भएको आगलागी विराटनगर महानगरको दमकल, प्रहरी र स्थानीयको सहयोगमा निभाउने कार्य भइरहेको छ । आगलागीबाट भएको क्षति यकिन नभएको तर, धेरै सामान जलेर नष्ट भएको जिल्ला प्रहरी कार्यलय मोरङले जनाएको छ ।

आगलागीबाट विद्युत् तार, टीभी केबुल र इन्टरनेटको तयारी समेत जलेपछि मुनालपथ क्षेत्रमा सेवा अवरुद्ध भएको छ । चार्जिङ ब्याट्री पड्किएर आगो लागेको हुनसक्ने प्रहरीले अनुमान गरेको छ ।