काठमाडौं । साओमीले नेपालमा ‘दसैँ तिहारको उमंग, साओमीको बबाल अफरसँग’ नामक अफर योजना सार्वजनिक गरेको छ । यस योजनाअन्तर्गत ग्राहकहरूले साओमीका पछिल्लो मोडेलको खरिदमा चार हजार रुपैयाँसम्मको छुट पाउन सक्ने कम्पनीले बताएको छ ।

चाडपर्व विशेष अफर भदौ ३० देखि कात्तिक ३० सम्म लागु हुने बताइएको छ । साओमी नेपालका कन्ट्री जनरल म्यानेजर मनु मनस्वीज्युले यसपालिको चाडपर्वलाई विशेष बनाउन अफर सार्वजनिक गरेको बताए ।

अफरअन्तर्गत रेड्मी नोट १३ को ६ जीबी र्‍याम र १२८ जीबी स्टोरेज भएको फोनको मूल्य २३ हजार ४९९ तोकिएको छ । आठ जीबी र्‍याम र २५६ जीबी स्टोरेजमा यो फोनको मूल्य २५ हजार ९९९ तोकिएको छ ।

यस्तै, रेड्मी नोट १३ प्रोको आठ जीबी र्‍याम र २५६ जीबी स्टोरेज भएको फोनको मूल्य ३२ हजार ९९ रुपैयाँ छ । १२ जीबी र्‍याम र ५१२ जीबी स्टोरेजमा यो फोन ३५ हजार ९९९ रुपैयाँमा खरिद गर्न सकिने भएको छ ।

आठ जीबी र्‍याम र २५६ जीबी स्टोरेजमा ४७ हजार ९९९ पर्ने रेड्मी नोट १३ प्रो प्लस ५ जीको मूल्य अफरमा ४४ हजार ९९९ रुपैयाँ तोकिएको छ । यसको १२ जीबी र्‍याम र ५१२ जीबी स्टोरेज भेरियन्टको मूल्य ५२ हजार ९९९ रहेकोमा अफरमा ४९ हजार ९९९ तोकिएको छ ।

६+१२८ जीबी र ८+२५६ जीबी गरी दुई स्टोरेज भेरियन्टमा उपलब्ध रहेको रेड्मी नोट १३ मा १२० हर्जको एमोलेड डिस्पले, इन–डिस्प्ले फिंगर प्रिन्ट सेन्सर, १०८ मेगापिक्सेल ट्रिपल एआई क्यामरा रहेको छ । त्यसैगरी, रेड्मी नोट १३ प्रो इन–डिस्प्ले फिंगर सेन्सर, २०० मेगापिक्सेल क्यामरा र शक्तिशाली हेलियो जी ९९ अल्ट्रा प्रोसेसर र ८+२५६ जीबी स्टोरेज र १२ जीबी+ ५१२ जीबी स्टोरेज गरी दुई भेरियन्टमा उपलब्ध छ ।

रेड्मी नोट १३ प्रो प्लस ५ जी मा भने २०० मेगापिक्सेल ट्रिपल क्यामेरा, कर्भड् डिस्प्ले, आइपी ६८ रेटिङ भएको हुँदा धुलो र पानीबाट पनि बचाउने र १२० वाटको चार्जरसहित ८+२५६ जीबी स्टोरेज र १२ जीबी+ ५१२ जीबी स्टोरेज गरी दुई भेरियन्टमा रहेको कम्पनीले जनाएको छ ।