काठमाडौं । दिल्लीका मुख्यमन्त्री अरविन्द केजरीवालले सर्वोच्च अदालतबाट जमानत पाएपछि आम आदमी पार्टीका नेताहरूले सत्यको जित भएको प्रतिक्रिया दिएका छन् ।

शुक्रबार सर्वोच्चले केजरीवाललाई १० लाख रुपैयाँ धरौटीमा रिहा गर्न आदेश दिएको थियो ।

आम आदमी पार्टीका नेता आतिशीले भनेका छन्, “सत्यमेव जयते ।"

पार्टीका राज्यसभा सांसद राघव चड्डाले एक्समा लेखेका छन्, “सत्यलाई समस्या हुन सक्छ । तर पराजित हुँदैन । अन्ततः माननीय सर्वोच्च अदालतले दिल्लीका छोरा अरविन्द केजरीवाललाई जेलको बन्धनबाट मुक्त गरेको छ । सम्मानित सर्वोच्च अदालतलाई धन्यवाद  !"

दिल्लीका पूर्वउपमुख्यमन्त्री मनिष सिसोदियाको प्रतिक्रिया छ, “सत्यको शक्तिले तानाशाहको जेलका तालाहरू तोडियो ।"

मदिरा घोटाला नीति प्रकरणमा केजरीवाल गत मार्च २१ मा पक्राउ परेका थिए ।

बीबीसी हिन्दीबाट ।