काठमाडौं । निर्देशक निश्चल बस्नेतले नयाँ चलचित्र घोषणा गरेका छन् । आफ्नो पाँचौं निर्देशनभन्दै उनले बुधबार नयाँ चलचित्र निर्देशनको घोषणा गरेका हुन् । 

थिम पोस्टर सार्वजनिक गर्दै उनले चलचित्रको नाम पनि उल्लेख गरेका छन् । उनका अनुसार चलचित्रको नाम ‘डेनी डेन्जरस’ रहनेछ । 

एक्सन जानराको यो चलचित्र सन् २०२५ मा रिलिज गरिने उनले थिम पोस्टरमा उल्लेख गरेका छन् ।

ब्ल्याक हर्स पिक्चर्सको ब्यानरमा निर्माण हुने चलचित्रको थिम पोस्टरले उनी यो पटक एक्सन चलचित्र बनाउने प्रयासमा रहेको प्रष्ट संकेत गरेको छ । 

रगतले छिर्काले तलपतिएको पोस्टरमा बन्दुकदेखि चक्कुसम्म छ । यसले कथावस्तु संकेत गरेको छ । एक्सन, आक्रमण, प्रतिरोध, बदला र तनावको वरिपरि चलचित्र घुम्ने संकेत थिम पोस्टरले गरेको छ ।