काठमाडौं । ‘विश्वमञ्चमा नरेन्द्र मोदी’ पुस्तक विमाचोन गरिएको छ । किताबमा भारतीय प्रधानमन्त्री नरेन्द्र मोदीले सन् २०१४ देखि २०२४ सम्म विश्वका विभिन्न मुलुक तथा अन्तर्राष्ट्रिय मञ्चमा गरेका सम्बोधन संकलित छ ।

आइतबार कलिङ साहित्य महोत्सवमा नेपालका निम्ति बेलायती राजदूत रब फेन, संस्कृतिविद् डा. जगमान गुरुङ र भारतीय प्रधानमन्त्री नरेन्द्र मोदीको आर्थिक सल्लाहकार परिषद्का सदस्य सञ्जीव सन्यालले संयुक्त रूपमा पुस्तक विमोचन गरेका हुन् । भूपेन्द्रबहादुर क्षेत्रीको संकलन रहेको यो पुस्तक सागर चन्दले नेपाली भाषामा अनुवाद गरेका हुन् ।

भारत नयाँ तवरले अघि बढिरहेको र त्यसको नेतृत्व मोदीले गरिरहेकाले विश्वमञ्चमा उसको उपस्थितबारे जानकारी गराउने उद्देश्यले दशकयताका उनका २९ भाषण नेपालीमा अनुवाद गरिएको चन्दले बताए ।

सार्क बैठकसहित प्रधानमन्त्री मोदी चारपटक नेपाल भ्रमणमा आएका छन् । “यी सबै यात्रा र सम्बोधनहरूमध्ये महत्त्वपूर्ण ठानिएका सम्बोधन संकलन गरेर नेपालीमा अनुवाद गरिएको हो,” क्षेत्रीले भने ।

पुस्तकको प्रतिमूल्य ५४९ रुपैयाँ राखिएको छ ।