काठमाडौं । यो साता धितोपत्र दोस्रो बजारमा उतारचढाव देखियो । एक साताको अन्तरालमा बजार २२.२१ अंकले घट्यो । गत साता पनि बजार २२४ अंकले घटेको थियो ।

नेप्से परिसूचक घटेसँगै कारोबार रकम पनि घट्दै गएको छ । यस साताको अन्तिम दिनसम्म बजार २,७२७.३६ विन्दुमा बन्द भएको छ ।

यो साता ५९ अर्ब ७७ करोड ६६ लाख रुपैयाँको कारोबार भएको छ । गत साता चार दिनमात्र सेयर कारोबार भएको थियो । चार कारोबार दिनमा नै ६४ अर्ब ३६ करोड १० लाख रुपैयाँको सेयर कारोबार भएको थियो ।

यस साताको आइतबार, बुधबार र बिहीबार बजार घटेको छ । आइतबार बजार ५३.६४ अंक, बुधबार ९०.७४ अंक र बिहीबार बजार १२.१ अंकले ओरालो लाग्यो । सोमबार बजार १२७.३२ अंक र मंगलबार ६.९५ अंकले बढको थियो ।

आइतबार साढे १० अर्ब, सोमबार १३ अर्ब, मंगलबार साढे १३ अर्ब, बुधबार १२ अर्ब ९२ करोड र बिहीबार नौ अर्ब ६५ करोड रुपैयाँ बराबरको सेयर कारोबार भएको थियो ।

यस साताको अन्तिम कारोबार दिन कुल बजार पुँजीकरण ४३ खर्ब ३६ अर्ब ४९ करोड रुपैयाँ छ । गत साताको अन्तिम कारोबार दिन कुल बजार पुँजीकरण ४३ खर्ब ६६ अर्ब ८८ करोड रुपैयाँ कायम थियो ।

यस साताको अन्तिम दिनसम्म वाणिज्य बैंकिङ समूहको परिसूचक १,५२३.९४ विन्दुमा छ भने विकास बैंक समूह ५,५३८.२५, फाइनान्स समूह ३,४४३.८६, होटेल तथा पर्यटन समूह ६,९९५.६० र हाइड्रोपावर समूह ३,३३८.१७ विन्दुमा छ ।

लगानी समूहको परिसूचक १०९.९१ विन्दुमा, लाइफ इन्स्योरेन्स समूहको परिसूचक १३,५९६.६१ विन्दुमा, उत्पादन तथा प्रशोधन समूहको परिसूचक ७,१७९.८७ विन्दुमा, माइक्रोफाइनान्स समूह परिसूचक ५,२१२.४० विन्दुमा बन्द भएको छ ।

त्यसैगरी म्युचुअल फन्ड समूहको परिसूचक २१.९० विन्दुमा, निर्जीवन बिमा समूहको परिसूचक १३,७६८.४२ विन्दुमा ‘अन्य’ समूहको परिसूचक २,०७९.७० विन्दुमा र व्यापार समूहको परिसूचक ३,७५९.४३ विन्दुमा बन्द भएको छ ।