काठमाडौं । अमेरिकाको न्युयोर्क राज्यका गभर्नरकी पूर्वसहयोगीलाई चीन सरकारको अज्ञात एजेन्टका रूपमा काम गरेको आरोप लागेको छ ।

पूर्वगभर्नर एन्ड्र्यू कुमो र वर्तमान गभर्नर क्याथी होचुलको सहयोगीका रूपमा काम गर्ने पूर्वअधिकारीलाई मंगलबार पक्राउ गरिएको बताइएको छ ।

वर्तमान गभर्नर क्याथी होचुलका लागि डेपुटिचिफ अफ स्टाफ बन्नुअघि लिन्डा सनले न्युयोर्क राज्य सरकारका धेरै पदमा करिब १४ वर्ष काम गरेकी थिइन् ।

मंगलबार बिहान उनका श्रीमान् क्रिस हुससहित लङ आइल्यान्डमा रहेको ३५ लाख अमेरिकी डलर पर्ने घरबाट पक्राउ गरिको हो ।

दम्पतीले ब्रुकलिनमा मजिस्ट्रेट न्यायाधीश पेगी कुओ समक्ष उक्त आरोपमा दोषी नभएको दाबी गरेका छन् ।

त्यसपछि न्यायाधीश कुओले सनलाई १५ लाख अमेरिकी डलर र हुलाई पाँच लाख अमेरिकी डलर धरौटीमा रिहा गर्न आदेश दिएका छन् । उनीहरूको अर्को पेसी सेप्टेम्बर २५ का लागि तोकिएको छ ।