काठमाडौं । नाडा अटो मोबाइल्स एसोसिएसनले आयोजना गरेको नाडा अटो शो सकिएको छ । यही भदौ ११ गतेदेखि सुरु भएको शो ६ दिन चलेर आइतबार सकिएको हो ।

काठमाडौंको भृकुटीमण्डमा आयोजित शोको अन्तिम दिन आयोजित कार्यक्रममा नेपाल राष्ट्र बैंकका गभर्नर महाप्रसाद अधिकारीले सुस्ताएको अटोमोबाइल व्यवसाय पुनः फस्टाउने अपेक्षा राखे । उनले मौद्रिक नीतिले सबै क्षेत्रलाई समेट्ने बताउँदै यस्तो टिप्पणी गरे ।

राष्ट्र बैंकका डेपुटी गभर्नर बमबहादुर मिश्रले पनि अटोमोबाइल क्षेत्रमा सुधार हुँदै गएको बताए ।

नाडाका अध्यक्ष करण चाौधरीले नेपालको अटोमोबाइल क्षेत्रको समस्याको सम्बन्धमा नाडाले सरकारको ध्यानाकर्षण गर्न सफल भएको बताए ।

आइतबार नाडा अटो शोमा आयोजित अन्तर्क्रियात्मक कार्यक्रममा बैंक तथा वित्तीय परिसंघका अध्यक्ष उपेन्द्र पौडेल, नेपाल बैकर्स संघका अध्यक्ष सुनिल केसी, नेपाल विमक संघका महासचिव अशोक कुमार खडकालगायत उपस्थिति थिए ।

शोमा चारपांग्रेतर्फ उत्कृष्ट स्टल अवार्ड सीजी मोटर्सको रिड्डाराले पाएको छ । दुई पांग्रेतर्फ अवार्ड वैद्य अर्गनाइजेसनको एथर ब्रान्डले उत्कृष्ट स्टल अवार्ड पाएको छ ।

यस्तै, कमर्सियलतर्फ एमएडब्लू वृद्धिको सेकोन र कम्पोनेन्टमा सत्यदिप इन्टरप्राइजको भिडोलले उत्कृष्ट स्टल अवार्ड पाएको छ । शोलाई ८२ हजार ४७० दर्शकले अवलोकन गरेको नाडाले जनाएको छ ।

सम्बन्धित समाचारहरू

• नाडा अटो शो सुरु, अर्थमन्त्री पौडेलले गरे उद्घाटन (तस्बिरसहित)
• नाडा अटो शो को भव्यता (तस्बिरमा)
• 'नाडा अटो सो'मा एक्सपेङ जी६ को भव्य लन्च, कति पर्छ मूल्य ?
• बीवाईडीका ४१ देखि ६७ लाखका गाडी नाडा अटो शोमा, यस्ता छन् अफर
• नाडा अटो शोमा ट्रायम्फ मोटरसाइकलको स्पीड ४०० र स्क्र्‍याम्ब्लर ४०० एक्स मोडेल
• नाडा अटो शोमा ‘अहिलेसम्मकै सबैभन्दा ठूलो पल्सर’ बजाज पल्सर एनएस ४०० जेड
• नाडा अटो शोमा सीजी मोटर्सलाई २७ वटा बुकिङ प्राप्त
• ईभीमय नाडा : पेट्रोलियम गाडी न्यून रहनुको कारण के ?
• नाडा अटो शोमा वुलिङको बिंगो ईभी २९ लाख ९९ हजारमा किन्न सकिने
• नाडा अटो शोमा मेयर हमाल
• नाडा अटो शो मा ट्राइम्फका १५० मोटरसाइकल बुकिङ