काठमाडौं । यस वर्षको नाडा अटो शो २०२४ मा १५० भन्दा बढी ट्राइम्फ मोटरसाइकल बुकिङ भएको छ । बुकिङको यो संख्याले ट्राइम्फको नेपाली बजारमा रहेको आफ्नो बलियो उपस्थितिलाई पुष्टि गरेको छ । 

नेपालमा ट्राइम्फ मोटरसाइकलको आयात हंसराज हुलासचन्द एण्ड कम्पनीले गर्दै आएको छ । कम्पनीको ट्राइम्फसँगको साझेदारीले नेपाली ग्राहकलाई ट्राइम्फका मोटरसाइकलमा पहुँच सुनिश्चित गरेको छ । 

ट्राइम्फ ब्राण्ड विशिष्ट डिजाइन, इन्जिनियरिङ उत्कृष्टता र राम्रो पर्फर्मेन्स लागि परिचित छ ।

यस नाडा अटो शो मा ट्राइम्फका नयाँ स्क्रेम्बलर ४०० एक्स र स्पीड ४०० सार्वजनिक गरिएको छ । मोटरसाइकल प्रेमीहरूको उत्साहजनक प्रतिक्रिया र अत्यधिक बुकिङले नै ट्राइम्फको लोकप्रियताले ग्राहकको विभिन्न आवश्यकताहरू पूरा गर्ने तथा उच्च स्तरका मोटरसाइकलहरू प्रदान गर्ने ब्रान्डको प्रतिबद्धतालाई प्रस्ट बनाएको छ ।

गोल्छा ग्रुपका डाइरेक्टर, अभिमन्यु गोल्छाले भने, “यस उपलब्धीले हामीलाई उत्साह थपेको छ । नाडा अटो शोमा पाएको प्रतिक्रिया र १५० युनिट बुकिङ पुग्नुले ट्राइम्फ ब्रान्डप्रतिको विश्वासलाई झल्काएको छ ।”