काठमाडौं । नाडा अटो सो, २०२४ मा बहुप्रतीक्षित एक्सपेङ जी६ को मूल्य सार्वजनिक गरिएको छ । सीजी मोटर्सले विश्वप्रसिद्ध ब्रान्ड एक्सपेङको जी६ भेरियन्टलाई पहिलोपटक नेपाली बजारमा सार्वजनिक गर्दै यसको प्रारम्भिक मूल्य ८४ लाख ९९ हजार तोकेको छ ।

एक्सपेङ जी६, उच्च प्रविधि र आकर्षक डिजाइनको समिश्रण हो । यसमा ४४० न्युटन मिटर टर्क, १९० किलोवाट पावर र ४३५ किलोमिटर रेन्जजस्ता विशेषताहरू छन् । यसका साथै, जी६ मा विश्वकै उत्कृष्ट एडभान्स ड्राइभर असिस्टेन्स सिस्टमको साथमा ९–डाइमेन्सन ब्याट्री सुरक्षा, डाई कास्ट च्यासिस, र ५०:५० अगाडि र पछाडिको सन्तुलन पनि समावेश गरिएको छ ।

नाडा अटो सोका आगन्तुकहरूले जी६ को अनौठो र आकर्षक डिजाइनलाई नजिकैबाट अनुभव गर्न पाएका छन् । यसले नयाँ प्रविधिप्रति सकारात्मक प्रतिक्रिया पाइरहेको कम्पनीले जनाएको छ ।

कम्पनीका अनुसार एक्सपेङको क्रान्तिकारी प्रविधिलाई अनुभव गर्न पाएकोमा आगन्तुकहरू उत्साहित देखिएका छन् ।

नाडा अटो सोमा एक्सपेङ जी६ को लन्चले नेपाली अटोमोबाइल बजारमा उत्साह थपेको कम्पनीको दाबी छ ।