काठमाडौं । नेपालको सबैभन्दा ठूलो भुक्तानी सञ्चालक फोनपेले ‘बोहनी फोनपे क्यूआरबाटै’ अभियान सुरु गरेको छ । आफ्नो पहिलो भुक्तानीलाई विद्युतीय माध्यमबाटै स्वीकार्न प्रोत्साहन गर्ने उद्देश्यले कम्पनीले यो अभियान सुरु गरेको बताएको छ ।

यसले बिहानको समयमा स–साना रकमको समस्याबाट मुक्ति पाउनुको साथ–साथै उधारो दिनुपर्ने अवस्थालाई सजिलै टार्न सहयोग मिल्ने कम्पनीको विश्वास छ ।

यो अभियानमा सहभागी व्यवसायीहरूले फोनपे बिजनेस एपमा लगइन गरेर सहभागिता स्वीकार गर्नुपर्ने कम्पनीले जनाएको छ ।

अभियान अवधिभर फोनपे क्यूआरमार्फत भुक्तानी लिने एक व्यवसायीले नयाँ ईभी स्कुटर जित्ने फोनपेले बताएको हो ।

फोनपेका चिफ बिजनेस अफिसर सुमित दासले यो अभियानमार्फत व्यवसायीहरूलाई बोहनी नगदमा स्वीकार गर्ने परम्परालाई फोनपे क्यूआर अपनाउनतर्फ प्रोत्साहन गर्न खोजेको बताए ।