काठमाडौं । चलचित्र ‘रावायण’को गीत ‘तिम्रै लागि’ सार्वजनिक भएको छ । गीतमा कुनाल गान्जावाला र सोनु कक्करको स्वर छ । निरज सिंहको संगीत रहेको गीतमा डा. कृष्णहरि बरालको शब्द छ ।

चलचित्रका मुख्य पात्र पल शाह र नायिका पूजा शर्मा भिडियोमा फिचर्ड छन् । गीत भारतको मुम्बईस्थित कैलाश स्टुडियोमा रेकर्ड गरिएको हो ।

सुदर्शन थापा प्रोडक्सन र पूजा शर्मा प्रोडक्सनको संयुक्त व्यानरमा बनेको फिल्मकी निर्माता पूजा शर्मा हुन् । 

चलचित्रमा पल र पूूजासँगै प्रियंका कार्की, प्रमोद अग्रहरि, निकीता चण्डक, प्रकाश शाह, कैलाश रावल, अर्जुनजंग शाहीलगायत कलाकारको अभिनय छ । 

चलचित्रमा सुदर्शन थापाको कथा, शिवम अधिकारीको लेखन छ । चलचित्र भदौ २१ गते रिलिज हुनेछ ।