काठमाडौं । राष्ट्रिय स्वतन्त्र पार्टीका सांसद विराजभक्त श्रेष्ठले अस्थिर राजनीतिले देशको अन्तर्राष्ट्रिय छवि धुमिल भएको बताएका छन् । अस्थिर राजनीतिले कूटनीतिक नियोगमार्फत नेपाल चिनाउने राजदूत पनि बारबार परिवर्तन हुने गरेको भन्दै यसले देशको छवि धुमिल बनाएको बताए । 

“अहिले दुई ठूला दल कांग्रेस र एमालेको सरकार छ । राजदूत नियुक्तिमा किन ढिला भइरहेको छ ?,” प्रश्न गर्दै श्रेष्ठले भने, “के राजनीतिक भागवण्डा नमिलेको हो ? राजदूत देशको हो कि दलको ?” 

उनले देशभित्रको राजनीति जस्तोसुकै भए पनि अन्तर्राष्ट्रिय जगतमा देशको इज्जत राख्नसक्ने व्यक्तिलाई मात्र राजदूत बनाउन उनको सुझाव छ ।