काठमाडौं । जनता समाजवादी पार्टी, नेपालको पदाधिकारी चयन गरिएको छ । पार्टी अध्यक्ष उपेन्द्र यादवले २० पदाधिकारी चयन गरेका हुन् ।

गएको जेठ ३० गते सम्पन्न पार्टीको महाधिवेशनबाट अध्यक्ष मात्र चयन गरिएको थियो । अरू पदाधिकारीको टुंगो लगाइएको थिएन । पदाधिकारी छान्ने जिम्मा यादवलाई दिइएको थियो ।

यादवले पदाधिकारी, केन्द्रीय सदस्यसहित पार्टीका विभिन्न आयोगमा समेत पदाधिकारी चयन गरेका छन् ।

नेता रकम चेम्जोङलाई पार्टी सहअध्यक्षको जिम्मेवारी दिइएको छ । राजकिशोर यादवलाई उपाध्यक्ष बनाइएको छ । मधेस प्रदेशका पूर्वमुख्यमन्त्री समेत रहेका लालबाबु राउत र रामकुमार शर्मालाई महासचिवको जिम्मेवारी दिइएको छ ।

पाँच उपाध्यक्ष, तीन उपमहासचिव, सात सचिव, एक कोषाध्यक्ष समेत चयन गरिएको छ । मनीष सुमनलाई प्रवक्ताको जिम्मेवारीमा यथावत् राखिएको छ ।

सूची हेर्नोस्–