काठमाडौं । राष्ट्रिय स्वतन्त्र पार्टी (रास्वपा)ले आत्मनिर्भर नेपाल अभियान सुरु गरेको छ । पार्टी कार्यालय वनस्थलीमा शनिबार नेपाली उत्पादनको प्रदर्शनीसहित ‘नीति मन्थन’ गरेर रास्वपाका केन्द्रीय स्टार्टअप तथा नवप्रवर्तन, उद्योग तथा वाणिज्य, उत्पादन प्रवर्द्धन, कृषि र अनुसन्धान तथा अभिलेखीकरण विभागको संयोजनमा अभियान थालिएको हो ।

उपसभापति डीपी अर्यालले विदेशिन खोज्ने युवालाई स्वदेशमै उत्पादनको क्षेत्रमा भइरहेका उपलब्धि देखाएर यहाँ रहन प्रेरित गर्न अभियान सुरु गरिएको बताए । आत्मनिर्भर नेपाल अभियान वडास्तरसम्म विस्तार गरिने उनले जानकारी गराए ।

अभियान थालनीका निम्ति पार्टी कार्यालयमा आयोजित कार्यक्रममा राष्ट्रिय आविष्कार केन्द्रका उत्पादनदेखि नेपालमा निम्ति सामग्री प्रदर्शनीका ३० स्टल राखिएका थिए । हिमालयन टेली भ्वाइस