काठमाडौं । समाज डेन्टल हस्पिटलले प्रभु बैंकका ग्राहकहरूलाई विशेष छुट दिने भएको छ । यसका लागि हस्पिटल र प्रभु बैंकबीच एक सम्झौता भएको छ ।

सम्झौता अनुसार प्रभु बैंकका कर्मचारी र कर्मचारीका परिवारले १५ प्रतिशत तथा ग्राहकले १० प्रतिशत छुट पाउने छन् । समाज डेन्टल हस्पिटलका सबै शाखामा यो सेवा प्राप्त गर्न सकिने बैंकले जनाएको छ । 

सम्झौतामा समाज डेन्टल हस्पिटलका निर्देशक श्रेया पाँडे र प्रभु बैंकका वाग्मती प्रदेश प्रमुख सुदेशकुमार देवकोटाले हस्ताक्षर गरे ।

'बैंक अफ द इयर, २०२३' को उपाधिबाट सम्मानित प्रभु बैंकले नेपालभर ३१५ शाखा कार्यालय, २८६ एटीएम र ६९ एक्सटेन्सन काउन्टमार्फत करिब ३५ लाखभन्दा बढी ग्राहकलाई सेवा दिइरहेको बताएको छ ।