काठमाडौं । नेपाल मजदुर किसान पार्टीका अध्यक्ष नारायणमान बिजुक्छेले पद र योग्यताअनुसार व्यवहार गर्न आवश्यक रहेको बताएका छन् । शनिबार भक्तपुरमा आयोजित एक कार्यक्रममा उनले यस्तो बताएका हुन् ।

आफ्नो ठाउँ, पद, योग्यताअनुसार व्यवहार गर्नु नै शिष्टाचार हुने उनले उल्लेख गरे । उनले पदअनुसारको व्यवहार गर्न जान्न सके मात्र सफल भइने बताए । जीवन संघर्ष भएकाले सिकेर अघि बढ्न उनले सुझाव दिए ।

“हामी आफ्नो ठाउँअनुसार, पदअनुसार, योग्यताअनुसार ठाउँमा बस्नुपर्छ । त्यो न शिष्टाचार हो । पदअनुसारको व्यवहार हामीले गर्नुपर्छ,” उनले भने, “जीवन संघर्ष हो भन्ने हामीलाई थाहा छ, हामीले सिक्नुपर्छ । जुन विषयमा कमजोर छौँ, त्यसमा बढी जोड दिनुपर्छ । संघर्ष गरिरहनुपर्छ ।”

अध्यक्ष बिजुक्छेले संघर्ष गर्न कहिल्यै छाड्न नहुने बताए । न्युज एजेन्सी नेपाल