जेनेभा । संयुक्त राष्ट्र संघीय निकाय विश्व स्वास्थ्य संगठन (डब्लूएचओ)ले गाजामा चलिरहेको सामूहिक विस्थापनले जनस्वास्थ्यमा गम्भीर असर पारेको जनाएको छ ।

भीडभाड, उचित बासस्थानको अभाव, दूषित पानी, सरसफाइ र स्वच्छताको न्यूनताको अवस्थाले संक्रामक रोगहरूको खतरा बढाएको चेतावनी डब्लूएचओले दिएको हो ।

डब्ल्यूएचओका अनुसार अत्यधिक भीडभाड र धेरै जनसंख्या भएका क्षेत्रहरूमा हुने आक्रमणहरूमा सामूहिक हताहतको जोखिम पनि बढिरहेको छ ।

निरन्तर जारी लडाइँ र स्वास्थ्य प्रणालीको संकुचित क्षमतालाई ध्यानमा राख्दै गाजा बाहिर चिकित्सा सामग्रीको आवश्यकता पर्ने बिरामीहरूको संख्या बढ्ने प्रक्षेपण गरिएको संयुक्त राष्ट्रसंघीय निकायले चेतावनी दिएको छ ।

हाल डब्ल्यूएचओले सम्भावित मार्गमार्फत् बिरामीहरूको सुरक्षित र समयमै स्थानान्तरण सुनिश्चित गर्न गाजाबाट धेरै चिकित्सा सामग्रीको निकासीका लागि कोरिडोरहरू स्थापना गर्न आह्वान गरिरहेको छ ।

१० महिनादेखि जारी इजरायली कब्जाले गाजापट्टीमा विनाशकारी युद्ध चलिरहेको छ । यहाँ अधिकांश बालबालिका र महिलासहित दशौँ हजार सहिद, घाइते तथा बेपत्ता भएका छन् । युद्धमा स्वास्थ्य र शैक्षिक पूर्वाधारको ठूलो विनाश र खाना, पानी, औषधि र इन्धन आपूर्तिको असहजताका कारण करिब २० लाख मानिस विस्थापित भए भने  खाद्य संकटका कारण कैयौँ बालबालिकाको ज्यान  गएको छ । रासस/क्यूएनए