काठमाडौं । पछिल्लो तीन घण्टामा स्याङ्जा, पर्वत र लमजुङ क्षेत्रमा मध्यमदेखि भारी वर्षा मापन गरिएको छ । स्याङ्जाको पञ्चमूल, बोर्लाङपुल, पर्वतको कार्किनेटा तथा लमजुङको खुदीबजार र बेँसीसहरसहितका क्षेत्रमा मध्यमदेखि भारी वर्षा मापन गरिएको हो ।

जल तथा मौसम विज्ञान विभागले ती क्षेत्र भएर बहने ससाना नदीहरूमा आकस्मिक बहाब बढ्न सक्ने जोखिम र कमजोर तथा भिरालो जमिनमा पहिरोको जोखिम रहेकाले भोलि बिहानसम्म सतर्कता अपनाउन आग्रह गरेको छ ।

मौसम पूर्वानुमान महाशखाले आज राति वाग्मती, गण्डकी र लुम्बिनी प्रदेशका थोरै स्थानमा तथा बाँकी प्रदेशको एक–दुई स्थानमा भारीदेखि धेरै भारी वर्षाको सम्भावना रहेको जनाएको छ ।