काठमाडौं । सिटिजन्स बैंक इन्टरनेसनल लिमिटेड र पोखराको चरक मेमोरियल हस्पिटलबीच छुटसम्बन्धी सम्झौता भएको छ । उक्त सम्झौताअनुसार सिटिजन्स बैंकका ग्राहकहरूलाई छुट दिने समझदारी पत्रमा हस्ताक्षर भएको हो ।

सो समझदारीपत्रअनुसार सिटिजन्स बैंकका कार्डवाहक र मोबाइल बैंकिङ ग्राहकहरूले चरक मेमोरियल हस्पिटलमा २० प्रतिशतसम्मको छुट पाउनेछन् । यस किसिमको सहकार्यबाट बैंकका ग्राहकहरू लाभान्वित हुनुका साथै नगद कारोबारबाट डिजिटल कारोबारतर्फ उत्प्रेरित हुने विश्वास बैंकले लिएको छ । 

सिटिजन्स बैंक इन्टरनेसनले देशैभरी ६० जिल्लामा फैलिएका १९७ शाखा कार्यालय, १६२ वटा एटीएम, तीन विस्तार काउन्टर र ७४ वटा शाखारहित बैंकिङ इकाइमार्फत सेवा दिँदै आएको छ ।