काठमाडौं । लक्ष्मी सनराइज बैंकले आफ्नो नयाँ ब्रान्ड भिडियो ‘हाम्रो बचतको सही लगानी’ सार्वजनिक गरेको छ । दुई मिनेट २० सेकेन्डको यस भिडियोमा बैंकमा जम्मा हुने हरेक सानादेखि ठूला बचतले कसरी देशको उज्ज्वल भविष्यमा योगदान पुर्‍याउँछ भन्ने कुरा भावनात्मक रूपमा दर्शाएको छ ।

भिडियोको पहिलो दृश्यमा एक बालिका आफ्नी आमाबाट बचत गर्न प्रेरित भएकी देख्न सकिन्छ । जम्मा गरेको जस्तै स–साना बचत मिसिएर जलविद्युतजस्ता ठूला परियोजनामा लगानी भई कुनै दुर्गम क्षेत्रमा एक विद्यार्थीले बिजुलीको प्रकाशमुनि पढ्न पाउँदछ ।

लक्ष्मी सनराइज बैंकमा गरिएको बचतले कसरी परिवार, व्यवसाय र समग्रमा समुदायलाई सशक्त बनाउँदै साझा समृद्वितर्फ अघि बढाउँछ भनेर भिडियोले देखाएको छ ।

बैंकमा विश्वासका साथ जम्मा भएको रकम ठूला परियोजना मात्र नभई साना परियोजनाहरूलाई पनि प्राथमिकता दिँदै विभिन्न कर्जाहरू प्रवाह गर्दछ । यस्ता कर्जाले कुनै किसानको बाली फस्टाएको, कुनै उद्यमीको व्यवसाय सफल भएको तथा कुनै इलमीको नयाँ उद्यमको सुरुआतका कथाहरू पनि यस भिडियोमा समेटिएको छ ।