काठमाडौं । एमजी मोटरले जेएसडब्ल्यूसँगको सहकार्यमा भारतमा नयाँ गाडी सार्वजनिक गर्ने भएको छ । कम्पनीले साना र प्रिमियम विद्युतीय गाडीको व्यापक उत्पादनलाई लक्षित गर्दै यस्तो योजना घोषणा गरेको हो ।

एमजी मोटर भारतका अध्यक्ष राजीव चाबाले पाँच नयाँ मोडलहरू सन् २०२५ को अन्त्यसम्म बजारमा आउने बताए । यी नयाँ गाडीहरू विद्युतीय (ईभी) र पेट्रोलियम इन्जिनका रहनेछन् । 

नयाँ मोडलहरूमा एमजी क्लाउड ईभी रहेको छ । कम्पनीले बिंगो ईभी ह्याचब्याकपछि यो नयाँ क्लाउड ईभीको घोषणा गरेको हो । यसको रेन्ज ३३३ किलोमिटर रहने बताइएको छ ।

कम्पनीले नयाँ डी–सेग्मेन्टको एयूभी पनि ल्याउने बताइएको छ । यस्तै, हायरएन्ड गाडीहरुका लागि छुट्टै आउटलेट खोल्ने लक्ष्य राखेको छ ।

एमजीले ल्याउँदै गरेको साइबरस्टर गाडीले ईभीतर्फ यसको लगावलाई झल्काएको छ ।

नेपालका लागि एमजीको आधिकारिक वितरक पारामाउन्ट मोटर्सले यसै वर्ष साइबरस्टर नेपाल ल्याउने जनाएको छ । भारतमा बन्ने नयाँ गाडीहरू पनि चाँडै नेपाल भित्र्याउने कम्पनीको भनाइ छ ।